Haıýanattar baǵy men tsırkterge Afrıka pilin satýǵa tyıym salyndy
NUR-SULTAN. QazAqparat – Jenevada Zımbabve, Botsvana, Namıbııa jáne OAR-dan basqa qurlyqtarǵa pil eksporttaýǵa tyıym salý týraly sheshim qabyldandy, dep habarlaıdy «QazAqparat» HAA DW basylymyna silteme jasap.
Osy sheshimdi Joıylýdyń aldynda turǵan jabaıy faýna jáne flora túrleriniń halyqaralyq saýdasy týraly konventsııaǵa (aǵyl. Convention on International Trade in Endangered Species of Wild Fauna and Flora, CITES) qosylǵan 180-nen astam memleket qabyldady. CITES-tiń 27 tamyz kúni Jenevada ótken konferentsııasynda atalǵan qaýlynyń qabyldanýyn 87 delegat qoldap, 29-y qarsy bolǵan, 25-i beıtarap qalǵan.
Osy sheshimge ásirese, Zımbabve qarsy. Germanııanyń Pro Wildlife uıymynyń deregine súıensek, Zımbabve 2012-2017 jyldar aralyǵynda Qytaıǵa 108 pil tólin satqan.
