«Haınan týry» velojarysynyń jeńimpazy Lýtsenko syıaqysynyń bir bóligin qaıyrymdylyqqa jumsady
PETROPAVL. QazAqparat - Haınan-2016 halyqaralyq jarysynyń jeńimpazy, anderler arasynda álem chempıony, Qazaqstannyń myqty veloshabandozdardyń biri Alekseı Lýtsenko Sábıler úıine syılyqtar ákeldi, dep habarlaıdy «QazAqparat» HAA tilshisi.
Qazir munda 55 bala bar, olardyń 22-si «Úmit» tobynda. Qaıyrymdylyq kómek retinde sportshy turmystyq tehnıka, arba, jórgekter, gıgıena quraldaryn ákelgen. Alekseı Lýtsenko áıeli Elenamen úsh jastaǵy qyzy Zlatany tárbıeleýde. Veloshabandoz áıeline perzenthanaǵa kelgende, keıbir balalardy analary qaldyryp jatqanyn kórgenin jáne sharanalarǵa qatty jany ashyǵanyn aıtady. «Sábıler úıine kómek berý meniń ǵana emes, áıelimniń de ıdeıasy. Biz, eger men Haınan týrynda jeńiske jetsem, onda qarajattyń bir bóligin mindetti túrde qaıyrymdylyq kómekke jumsaımyz dep sheshtik. Petropavlǵa kele salysymen birden Sábıler úıine baryp, olarǵa ne qajet ekenin suradyq», - dep áńgimesin jalǵady Alekseı Lýtsenko. Sportshy bul onyń Sábıler úıine jasaǵan sońǵy kómegi emes ekenin jetkizdi. Ázirshe, tanymal veloshabandoz ýaqytyn otbasymen birge ótkizýde. Al 22 jeltoqsanda aldaǵy jylǵa josparlary qarastyrylatyn Italııaǵa barady.
