Haınan provıntsııasynda nóser jańbyr saldarynan 200-ge jýyq eldi mekendi sý basyp, 100 myńnan astam halyq qaýipsiz jerlerge kóshirildi
BEIJІŃ. Qazannyń 18-i. QazAqparat /Rýslan Súleımenov/ - Haınan provıntsııasynda (Qytaıdyń ońtústigi) tolassyz jaýǵan nóser jańbyr saldarynan 200-ge jýyq eldi mekendi sý basyp, 100 myńnan astam halyq qaýipsiz jerlerge kóshirildi.
Provıntsııadaǵy meteorologııalyq qyzmettiń habarlaýynsha, qazannyń 15-i men 17-si aralyǵynda Haınan provıntsııasynda ortasha eseppen 229,8 mıllımetr jaýyn-shashyn jaýǵan, sonyń saldarynan 200-ge jýyq eldi meken sý astynda qaldy, Haınan aralyndaǵy barlyq ózender arnasynan asyp, 1100 sý qoımasynyń 70 paıyzy apatty jaǵdaıǵa tap boldy.
Meteorologtardyń boljaýynsha, provıntsııadaǵy nóser jýyq arada toqtamaıtyn tárizdi.
