Haınandaǵy tornado: Zardap shekkender men qaza tapqandar arasynda qazaqstandyqtar joq

NUR-SULTAN. QazAqparat - Qytaıdyń Haınan aralyndaǵy tornado saldarynan zardap shekkender men qaza tapqandardyń arasynda Qazaqstan azamattary joq. Bul jaıynda QR Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«Qytaı tarabynan alynǵan aqparatqa sáıkes, Haınan arasynda qaza tapqandar men zardap shekkenderdiń arasynda sheteldik azamattar, onyń ishinde Qazaqstan azamattary joq», - dedi Aıbek Smadııarov.

Buǵan deıin habarlaǵanymyzdaı, Qytaı Halyq Respýblıkasynyń ońtústigindegi araldyq provıntsııa – Haınan qalasynda tornado saldarynan segiz adam qaza taýyp, bireýi aýyr jaraqat aldy. Jergilikti bıliktiń málimetinshe, tańǵy saǵat 04.00 shamasynda tornado Danchjoý qalasyn basyp ótken. Qurylys alańynda jumysshylardyń qosalqy nysanynyń qıraýy saldarynan segiz adam mert boldy. Bir adam aýyr zardap shekken. Sondaı-aq, bir jumysshy jeńil dene jaraqatyn alǵan.