Haınan aralyndaǵy kezekti tropıkalyq daýyldyń kesirinen 100 000 adam qaýipsiz jerge kóshirildi
BEIJІŃ. 4 qazan. QazAqparat /Rýslan Súleımenov/ - Búgin qýatty «Nalgaı» tropıkalyq daýyly Haınan provıntsııasyna (Ońtústik Qytaı) jetti. Bul kýrortty aralda bıylǵy jyly bolǵan 19-ynshy tropıkalyq daýyl. Onyń oshaǵynyń janynda jeldiń qýaty saǵatyna 90 shaqyrymdy quraıdy, dep habarlady jergilikti meteoqyzmet.
Seısenbi kúni Haınan aralynda qaýipti aımaqtardan 100 000-nan astam jergilikti turǵyn qaýipsiz jerge kóshirildi. 27 myńnan astam balyqshy qaıyǵy aılaqtarǵa qaıtaryldy. «Fenıks» áýejaıynda (Sanıa qalasy) 60-tan astam halyqaralyq jáne ishki áýe reısteri boldyrylmady.
