Haınan aralynda qoıý tumannyń saldarynan júzdegen týrıst bógelip qaldy
ASTANA. QazAqparat - Sońǵy ýaqytta Tsıýnchjoý shyǵanaǵynda qoıý tumannyń saldarynan kemelerdiń qozǵalysyn toqtatý jaǵdaılary jıilep júr. Kóktem merekesine baılanysty Aral provıntsııasy sanalatyn Haınan-nyń qurlyqtyq bóligine týrısterdiń kóptep oralý kezi osy ýaqytqa tap keldi. Onyń saldary aralda kóptegen adamdardyń bógelip qalýyna ákelip soqtyrdy, dep habarlaıdy Sınhýa.
Osy kezde Haınan bıiligi araldan shyǵa almaı jatqan týrısterdi qaıtarý úshin túrli sharalardy qolǵa alýda. Onyń ishinde áýe qatynasy da belsendi paıdalanylýda.
Statıstıkalyq málimetter boıynsha, 23 aqpan kúni jergilikti ýaqyt boıynsha saǵat 19-30-da Sıýın, Sınhaı jáne Nangan porttaryna aparatyn jolda 7632 avtomobıl, porttarda 4,8 myń kólik, jalpy sany 12432 mashına turyp qalǵan.
Aldyn ala málimetter boıynsha, jolaýshylar tasymalynyń sharyqtaý shegi shamamen alǵanda 10 naýryzǵa deıin sozylatyn bolady.
