Haınan aralynda bir aıda 16 myńnan astam adam koronavırýs juqtyrdy

BEIJІŃ. QazAqparat – Tamyz aıynyń basynan beri Haınan kýrort provıntsııasynda (Ońtústik Qytaı) koronavırýs ınfektsııasynyń 16 myńnan astam jaǵdaıy anyqtaldy, dep habarlaıdy QazAqparat Sınhýa aqparat agenttigine silteme jasap.

Agenttik málimetinshe, 1-19 tamyz aralyǵynda Haınan provıntsııasynda COVID-19 vırýsyn juqtyrýdyń 6,7 myńnan astam jaǵdaıy jáne aýrý belgisi joq 9,5 myńnan astam tasymaldaýshy tirkelgen.

Jergilikti bılik málimdemesine sáıkes, koronavırýs juqtyrý jańa jaǵdaılarynyń sany sońǵy eki kúnde azaıyp keledi.

Sonymen qatar, 9-19 tamyz aralyǵynda buryn kýrorttyq araldan shyǵa almaı qalǵan 124 myńnan astam týrıst ushyp kete aldy.

Bul rette 11 myńnan astam týrıst araldan teńiz arqyly ketken.

Buryn habarlanǵandaı, tamyz aıynyń basynda Haınan provıntsııasynda koronavırýstyń jańa oshaqtary tirkeldi.

Bir ǵana Sanıa kýrort qalasynda COVID-19 indetine baılanysty 80 myńnan astam týrıst qaıta kete almaı qaldy.