Haınan aralynda 80 myńnan astam týrıst qamalyp qaldy

BEIJІŃ. QazAqparat – Haınan aralynda koronavırýstyń taralýyna baılanysty engizilgen lokdaýnnan 80 myńnan astam týrıst qamalyp qaldy, dep habarlaıdy QazAqparattyń Qytaıdaǵy menshikti tilshisi.

Araldaǵy Sanıa qalasynda loktaýn 6 tamyzdan bastap engizilgen. 80 myń týrıstiń shamamen 32 myńy qonaqúılerde qamalyp otyr. Olar koronavırýsqa qarsy PTR testi jeti kún ishinde tapsyrǵannan keıin ǵana ol jerden kete alady. Osy jaǵdaıǵa baılanysty qaladaǵy qonaqúıler baǵasy 50 paıyzǵa deıin arzandatylǵan.

Jergiliktiń BAQ habarlaýynsha, 6 tamyzda Sanıa qalasyndaǵy halyqaralyq áýejaıda 333 reıs keıinge qaldyrylǵan jáne temirjol poıyzdaryna bılet satý toqtatylǵan.