Haval dıleri Jetisý oblysynda tutynýshylar quqyǵyn buzǵan sharttardy túzetti

ASTANA. KAZINFORM — Básekelestikti qorǵaý jáne damytý agenttiginiń Jetisý oblysy boıynsha departamenti Taldyqorǵan qalasyndaǵy Haval markaly avtokólikterdiń resmı dıleriniń qyzmetine qatysty azamattyń ótinishin qarady.

Departamenttiń málimetine sáıkes ótinishti qaraý barysynda «DAS AUTO» JShS (Haval resmı dıleri) satý-satyp alý sharttaryna avtokólik ıelerin tek belgili bir servıs ortalyqtarynda ǵana tehnıkalyq qyzmet kórsetýden ótýge mindetteıtin talap engizgeni anyqtaldy. Atalǵan talap oryndalmaǵan jaǵdaıda, avtokólikke berilgen kepildik mindettemeleri toqtatylǵan.

— Mundaı sharttar tutynýshylardyń quqyqtaryn buzady jáne avtokólikterge keıingi tehnıkalyq qyzmet kórsetý naryǵyndaǵy básekelestiktiń damýyna kedergi keltiredi. Anyqtalǵan zań buzýshylyqtardy joıý maqsatynda Departament kompanııaǵa tıisti habarlama jiberdi. Qazirgi ýaqytta habarlama oryndaldy, daýly tarmaq sharttardan alynyp tastaldy, — delingen habarlamada.

Budan buryn Básekelestikti qorǵaý agenttigi taksı baǵasyn kótergen «ıAndekske» aýdıt júrgizetini anyqtaldy.