Hatıko arbadan qulaǵan qojaıynyn Taraz polıtseılerine senip tapsyrdy

Hatıko qojaıynyn Taraz polıtseılerine senip tapsyrdy, dep habarlaıdy QazAqparat jergilikti PD baspasóz qyzmetine silteme jasap. 

7 qazanda oblys ortalyǵy kósheleriniń birinde polıtseıler joldyń ortasynda tóńkerilip jatqan múgedekter arbasyn, janyndaǵy qart kisi men ıtti baıqaǵan.

Polıtseıler Hatıko men onyń ıesi Anatolıı Derbenovti birden tanydy.

Zeınetker jasandy kedergiden óte almaı, aýdarylyp qalǵan.

It osy ýaqyt ishinde ıesin muqııat kúzetip, janynda otyrdy.

Patrýldik polıtsııa ınspektorlary birden qart kisige kómekke umtylǵanymen ıt ıesine eshkimdi jolatpaı qoıǵan.

Degenmen jaǵdaı sátti aıaqtaldy.

— It tistep alýy múmkin edi. Qaladaǵy barlyq adamdar onyń qabaǵan ekenin biledi. Iesin árdaıym qorǵaıdy. Bizdiń basty mindetimiz — ataǵa kómek kórsetý boldy. Ol basyn jaraqattap alǵan bolatyn, — deıdi Taraz qalalyq PB PPB 1-vzvod komandıri Nurbol Myrzakerim.

Qazirgi ýaqytta ata men onyń ıtiniń jaǵdaıy jaqsy, dárigerdiń qaraýynan keıin ekeýi de úıine jiberildi.