Hataıda 278 saǵat úıindi astynda jatqan 45 jastaǵy er adam qutqaryldy

HATAI. Anadoly-QazAqparat - Túrkııanyń Hataı provıntsııasynda jer silkinisinen keıin 278 saǵat ótkende úıindi astynan er adam aman tabyldy, dep habarlaıdy QazAqparat Anadoly agenttigine silteme jasap.

45 jastaǵy Hakan ıAsınoǵly on bir kúnnen beri Defne aýdanyndaǵy qulaǵan ǵımarattyń astynda jatqan.

Іzdeý-qutqarý toby tas-talqan bolǵan úıdiń qırandylarynyń astynda tiri adam bar ekenin anyqtady.

Qutqarýshylar úıindilerdi bólshektep, nátıjesinde er adam qutqaryldy.

Jábirlenýshi aýrýhanaǵa jatqyzyldy.

Eske sala keteıik, Túrkııada joıqyn jer silkinisi qurbandarynyń sany 38 myńnan asty.

El prezıdenti Rejep Taıyp Erdoǵan tabıǵı apat qurbandaryn eske alý úshin jeti kúndik ulttyq aza tutý jarııalady.

Eldiń barlyq aýmaǵynda memlekettik tý jartylaı túsirildi.

Joıqyn jer silkinisi kórshiles elderde, sonyń ishinde Sırııa, Lıvan, Kıpr jáne Irakta da sezildi.

Foto: aa.com.tr