Hashemı Rafsandjanı men Rahım Mashaı prezıdent saılaýynan shettetildi
ASTANA. 22 mamyr. QazAqparat - Irannyń burynǵy prezıdenti Alı Akbar Hashemı Rafsandjanı men qazirgi prezıdent Mahmýd Ahmedınejadtyń jaqtasy Esfandıar Rahım-Mashaı 14 maýsymda ótetin prezıdent saılaýynan shettetildi.
Saılaýǵa kimderdiń qatysatynyn sheshetin Konstıtýtsııalyq qadaǵalaý keńesi Hashemı Rafsandjanı men Rahım Mashaıdiń prezıdenttik saılaýdan ne úshin shettetkenine qatysty eshqandaı túsinik bermedi.
Qadaǵalaý keńesi ózderin prezıdenttikke usynǵan 688 adamnyń arasynan tek segiz úmitkerdiń kandıdatýrasyn ǵana maquldaǵan. Olardyń arasynda Irannyń ıadrolyq baǵdarlamasyna qatysty kelissózderdi júrgizetin delegatsııa basshysy, joǵary ulttyq qaýipsizdik qyzmetiniń hatshysy Saıd Jalılı men burynǵy syrtqy ister mınıstri Alı Akbar Velaıatı de bar. Saılaýǵa túsetinder arasynda konservatorlar basym, dep habarlaıdy «Azattyq».
