Hasan Qasymbaevtyń isi apellıatsııalyq sotqa ótti

QONAEV. KAZINFORM – Hasan Qasymbaev pen qylmystyq is boıynsha ózge de sottalǵandardyń apellıatsııalyq shaǵymy Almaty oblystyq sotyna tústi.

Sot kabıneti derekterine qaraǵanda, is materıaldary 2026 jylǵy 13 qańtarda tirkelgen. Apellıatsııalyq shaǵymdy qaraıtyn kún ázirshe belgilenbegen.

Eske salaıyq, 2025 jylǵy 11 qarashada Talǵar aýdandyq soty Hasan Qasymbaevty adam urlaý, densaýlyqqa qasaqana aýyr zııan keltirý jáne qorqytyp, aqsha bopsalaý isi boıynsha kináli dep tanydy.

Sot oǵan 12 jyl bas bostandyǵynan aıyrý jazasyn taǵaıyndady.

Sonymen qatar is boıynsha taǵy bes adamǵa úkim shyqty.

Keıinirek Almaty oblysy Talǵar aýdandyq soty Hasan Qasymbaev pen taǵy bes sottalýshyǵa qatysty úkimniń mán-jaıyn túsindirdi.

Buǵan deıin qorǵaýshylar sot sheshimimen kelispeıtinin aıtyp, mindetti túrde apellıatsııalyq shaǵym túsiretinin aıtqan edi.

Al 2025 jylǵy 26 qarashada Hasan Qasymbaevtyń apellıatsııalyq shaǵym túsirgenin jazǵanbyz.