Hasan Qasymbaevtyń advokattary apellıatsııalyq sotqa shaǵym túsirdi

QONAEV. KAZINFORM – Talǵarda 12 jylǵa sottalǵan Hasan Qasymbaevtyń advokattary sot úkimimimen kelispeı, apellıatsııalyq shaǵym túsirdi.

– Búgin úkim jarııalanǵan kúnnen beri 15 kún ýaqyt ótti. Keshe biz aldyn ala shaǵym berdik, endi ony tolyqtyramyz, óıtkeni úkim keshe ǵana qolymyzǵa tıdi. Qujatty muqııat qarap, taldaýymyz kerek, ol 56 betten turady, - dedi advokattardyń biri Narıman Kervenov.

Buǵan deıin qorǵaýshylar sot sheshimimen kelispeıtinin aıtyp, mindetti túrde apellıatsııalyq shaǵym túsiretinin aıtqan edi.

Eske salaıyq, 2025 jylǵy 11 qarashada Talǵar aýdandyq soty Hasan Qasymbaevty adam urlaý, densaýlyqqa qasaqana aýyr zııan keltirý jáne qorqytyp aqsha bopsalaý isi boıynsha kináli dep tanydy.

Sot oǵan 12 jyl bas bostandyǵynan aıyrý jazasyn taǵaıyndady.

Sonymen qatar is boıynsha taǵy bes adamǵa úkim shyqty.

Keıinirek Almaty oblysy Talǵar aýdandyq soty Hasan Qasymbaev pen taǵy bes sottalýshyǵa qatysty úkimniń mán-jaıyn túsindirdi.