Hasan Qasymbaevqa taǵy qandaı aıyp taǵyldy

ALMATY. KAZINFORM – Hýtorlyqtar» atty uıymdasqan qylmystyq toptyń jetekshisi dep tanylǵan Hasan Qasymbaevqa taǵy bir aıyp taǵyldy.

– Atalǵan tulǵaǵa qatysty adam urlaý, densaýlyqqa qasaqana aýyr zııan keltirý jáne bopsalaý faktileri boıynsha tergeý amaldary júrgizilip jatyr. Tergeý áreketteri aıaqtalǵannan keıin is materıaldary taraptarǵa tanysý úshin beriledi. Tergeý múddesine saı basqa málimetter jarııalanbaıdy, – dep habarlady Almaty oblystyq polıtsııa departamentiniń baspasóz qyzmeti.

Eske salaıyq, byltyr qarasha aıynda Hasan Qasymbaev qamaýǵa alynǵan bolatyn. Buǵan deıin 16 jastaǵy Sherzat Polattyń óliminen keıin talǵarlyqtar ony «Hýtorskıe» tobynyń basshysy bolýy múmkin ekenin aıtqan edi. 

Keıin Іshki ister mınıstriniń birinshi orynbasary Baýyrjan Álenov kásipker Hasan Qasymbaevqa qatysty túsinik berdi.

Sondaı-aq Bas prokýratýra Talǵarda adam urlap, uryp-soǵýǵa qatysty isti qaıta qarady.