Hasan Qasymbaevqa qatysty is sotqa joldandy

QONAEV. KAZINFORM — Kazinform saýalyna jaýap bergen Almaty oblysynyń prokýratýrasy Hasan Qasymbaevqa qatysty is qandaı satyda ekenin habarlady.

Prokýratýra málimetinshe, Almaty oblysy polıtsııa departamentiniń tergeý basqarmasy H.Qasymbaev jáne basqa tulǵalarǵa qatysty qylmystyq is boıynsha tergep-tekserýdi aıaqtap, osy jyldyń 21 shildesinde isti aıyptaý aktisimen oblys prokýratýrasyna joldaǵan.

Al oblys prokýratýrasy 29 shildede is boıynsha qurylǵan aıyptaý aktisin bekitip, isti qaraý úshin Talǵar aýdandyq sotyna joldaǵanyn habarlady.

Almaty oblystyq polıtsııa departamentiniń málimetine sáıkes, Hasan Qasymbaevqa qatysty adam urlaý, densaýlyqqa qasaqana aýyr zııan keltirý jáne bopsalaý faktileri boıynsha tergeý amaldary júrgizildi.

Eske salaıyq, byltyr qarasha aıynda Hasan Qasymbaev qamaýǵa alyndy.

Buǵan deıin 16 jastaǵy Sherzat Polattyń óliminen keıin talǵarlyqtar ony «Hýtorskıe» tobynyń basshysy bolýy múmkin ekenin aıtqan edi.

Keıin Іshki ister mınıstriniń birinshi orynbasary Baýyrjan Álenov kásipker Hasan Qasymbaevqa qatysty túsinik berdi.

Bas prokýratýra Talǵarda adam urlap, uryp-soǵýǵa qatysty isti qaıta qarady.