Hasan Qasymbaev soty: sýdıany aýystyrý týraly ótinish qanaǵattandyrylmady
QONAEV. KAZINFORM — Talǵar aýdandyq sotynda Hasan Qasymbaev jáne ózge 5 aıyptalýshyǵa qatysty kezekti sot otyrysy ótip jatyr.
Búgingi sot otyrysta aıyptalýshylardyń advokaty Aıdynǵalı Tabyldyev sýdıa Aınagúl Tuqybaevany aýystyrý týraly ótinish bildirdi. Alaıda úzilisten keıin sot bul ótinishti qanaǵattandyrýdan bas tartty.
Sondaı-aq sot otyrysy jábirlenýshilerdiń biri — kásipker Áripjan Tájıevtiń qatysýynsyz ótip jatyr. Osyǵan baılanysty aıyptalýshylardyń advokattary ony kelýge mindettep, suraq-jaýap alý úshin sotqa shaqyrý týraly ótinish jasady. Hasan Qasymbaevtyń advokaty Erlan Mendeshev jýrnalısterdiń suraqtaryna jaýap bere otyryp, Tájıevtiń sot otyrysyna ekinshi ret qatyspaǵanyn atap ótti. Onyń aıtýynsha, kásipker aıyptalýshylarǵa jalǵan jala japqan.
Eske salaıyq, Hasan Qasymbaevpen birge aıyptalýshylar oryndyǵynda Rýslan Álıev, Madııar Qalımjanov, Saılaý Aqjanov, Nurmuhammet Sultanbekov, Danııar Asqarov otyr.
Buǵan deıin aıyptalýshylardyń advokattary prokýrordy aýystyrýdy ótindi.
Aldyńǵy sot otyrysy kezinde jábirlenýshi – fıtnes-jattyqtyrýshy ózin qalaı urlap ketip, uryp-soqqanyn aıtyp berdi.