Hasan Qasymbaev soty: aıyptalýshylardyń advokattary prokýrordy aýystyrýdy ótindi

QONAEV. KAZINFORM — Talǵar aýdandyq sotynda Hasan Qasymbaev jáne ózge de kúdiktilerge baılanysty sot otyrysy ótip jatyr.

Aıyptalýshylar oryndyǵynda Hasan Qasymbaevtan bólek taǵy 5 adam bar. Odan bólek sot otyrysyna aıyptalýshylardyń advokattary — Erlan Qulanbaev pen Nazgúl Táýkenbaı, sondaı-aq eki jábirlenýshi qatysyp otyr.

Sotta taraptar tanystyrylǵannan keıin advokattar prokýrordy aýystyrýdy ótinip, qarsylyq bildirdi. Sýdıa Aınagúl Tuqybaeva bul ótinishti qaraý úshin úzilis jarııalady.

Byltyr qarasha aıynda Hasan Qasymbaev qamaýǵa alyndy.

Hasan Qasymbaevqa adam urlaý, densaýlyqqa qasaqana aýyr zııan keltirý jáne bopsalaý faktileri boıynsha aıyp taǵylyp otyr.

Keıin Іshki ister mınıstriniń birinshi orynbasary Baýyrjan Álenov kásipker Hasan Qasymbaevqa qatysty túsinik berdi.

Bas prokýratýra Talǵarda adam urlap, uryp-soǵýǵa qatysty isti qaıta qarady.

Almaty oblysy polıtsııa departamentiniń tergeý basqarmasy osy jyldyń 21 shildesinde isti aıyptaý aktisimen oblys prokýratýrasyna joldaǵan. Al oblys prokýratýrasy 29 shildede is boıynsha qurylǵan aıyptaý aktisin bekitip, isti negizinen qaraý úshin Talǵar aýdandyq sotyna joldady.