Hasan Qasymbaev isi: ekinshi jábirlenýshi kim

QONAEV. KAZINFORM - Talǵar aýdandyq sotynda Hasan Qasymbaev jáne ózge de kúdiktilerge baılanysty sot otyrysy jalǵasyp jatyr. 

Хасан Қасымбаев ісі: екінші жәбірленуші кім
Фото: Kazinform

Búgin, 22 tamyzda memlekettik aıyptaý aktisin oqydy. Oǵan sáıkes, bul sot otyrysynda eki jábirlenýshi bar. Olardyń biri — Arman Álimov.

Memlekettik aıyptaýshynyń málimetinshe, sottalýshylar Qasymbaevqa, Qalymjanovqa, Ahtanovqa, Álıevke, Asqarovqa jáne Sultanbekovke kelesi aıyptar taǵylǵan:

— 05.04.2020 jyly saǵat 09:00 shamasynda Almaty oblysy Talǵar aýdany turǵyndary Qartaıǵanov, Kenjeǵalı, Esterov, Shakýpov, Úsenbaev, Oryntaev jáne tergeýmen anyqtalmaǵan azamattar aldyn ala sóz baılasqan adamdar toby bolyp, Almaty oblysy Eńbekshiqazaq aýdany Raqat aýyldyq okrýgine qarasty Talǵar saıajaıy № 134 úıiniń artynda ekinshi jaqtan kelgen Qalymjanov pen onyń tanystaryna atys qarýyn qoldanyp, buzaqylyq jasap, saldarynan Qalymjanov jaraqat alǵan. 2020 jyly Eńbekshiqazaq aýdandyq soty Qartaıǵanov pen onyń joǵaryda atalǵan sybaılastary QK 293-baby 3-bóligi 2-tarmaǵy boıynsha kináli dep tanylyp, olarǵa qatysty úkim shyqqan. Osy oqıǵadan keıin birshama ýaqyt ótken soń Qasymbaev óziniń tanysy Qalymjanovty atyp ketken tulǵalardy Talǵar turǵyny Álimov aıdap salǵanyn jáne sonymen qosa «Hasan maǵan avtorıtet emes dep aıtyp júr» degen aqparatty beıtanys adamdardan estip, bul sózi úshin jaýap berýi kerek» degen oımen qylmys jasaýdy oılastyrǵan. Atap aıtqanda, Qasymbaev adam urlaý jáne densaýlyqqa qasaqana aýyr zııan keltirý maqsatymen óziniń tanystary Qalymjanovty, Ahtanovty, Álıevti, Asqarovty jáne Sultanbekovty tartýdy oılap, olarmen aldyn ala sóz baılasý arqyly adamdar tobyn qurý oıymen jáne olarǵa Álimovti Talǵar qalasynyń ishinde júrgen jerinen ustap alyp, avtokólikke salyp, urlap ketip, Talǵar qalasynyń shetine shyǵaryp, uryp-soǵýdy jáne olardyń oryndalýyna basshylyq etýdi oılastyrǵan, — dedi prokýror.

Qasymbaev qylmystyq oıyn júzege asyrý úshin óziniń tanystary Qalymjanovqa, Ahtanovqa, Álıevke, Asqarovqa jáne Sultanbekovke bul qylmysty jasaýdy tapsyryp, onyń oryndalýyna tikeleı basshylyq ete bastaǵan.

17.06.2021 jyly saǵat 18:30 shamasynda Qalymjanov, Ahtanov, Álıev, Asqarov jáne Sultanbekov Almaty oblysy Talǵar aýdany Talǵar qalasy Rysqulov kóshesi, № 208 mekenjaıynda ornalasqan «Vıktorııa» dúkeni mańynda jábirlenýshi Álimovti kezdestirgen. Sottalýshylar bul ýaqytta medıtsınalyq betperde taqqan. Ári qaraı olar jábirlenýshini uryp-soqqan. Saldarynan Álimov jerge otyryp qalǵan. Sol sátte Álıev kelip, Álimovtiń moıyn tusynyń artqy jaǵynan qolmen qylqyndyryp, ustap alǵan. Sol kezde Qalymjanov, Ahtanov jáne Asqarov úsheýi jábirlenýshini uryp-soqqan, saldarynan Álimov esinen tanyp qalǵan. Osydan keıin sottalýshylardyń biri Álıev jábirlenýshiniń esinen tanyp qalǵanyna qaramastan, onyń moıyn tusynyń artqy jaǵynan ustaǵan kúıde kóterip alyp, avtokólikke salyp alyp ketken.

Jábirlenýshi kólikte esin jıǵan soń da uryp-soǵý jalǵasqan.

Munan soń bári Almaty oblysy Talǵar aýdany Keńdala aýyly shetinde ornalasqan ashyq egistik alqabyna alyp kelip, Álimovti syrtqa alyp shyǵyp, taǵy uryp-soqqan. 

Osydan keıin Ahtanov telefon arqyly uıymdastyrýshy Qasymbaevqa esep berip, ári qaraıǵy nusqaýdy suraǵan. Al Qasymbaev jábirlenýshi Álimovti qalaı uryp-soǵyp jatqanyn vıdeoǵa túsirip alýdy tapsyryp, oqıǵa ornyna ózi jetetinin aıtqan. Budan soń Qasymbaev qylmys ornyna kelip, bárine kóz jetkizgen soń boı tasalaǵan.

Eske salaıyq, Hasan Qasymbaev byltyr qarasha qamaýǵa alyndy

Bas prokýratýra Talǵarda adam urlap, uryp-soǵýǵa qatysty isti qaıta qarady.

Hasan Qasymbaevqa adam urlaý, densaýlyqqa qasaqana aýyr zııan keltirý jáne bopsalaý faktileri boıynsha aıyp taǵylyp otyr.

Sot bastalǵannan keıin aıyptalýshylardyń advokattary prokýrordy aýystyrýdy ótindi.

Sýdıa Aınagúl Tuqybaeva bul ótinishti qanaǵattandyryp, memlekettik aıyptaýshy zaldan shyqty.

Hasan Qasymbaevpen birge kimderge aıyp taǵylǵany belgili boldy.

Búgin, 22 tamyzda prokýror aıyptaý aktisin oqyp berdi.

Hasan Qasymbaevtyń ózi taǵylǵan aıyptardy moıyndamady.

Сейчас читают