Hasan Qasymbaev isi: basqa aıyptalýshylarǵa sot úkimi shyqty
QONAEV. KAZINFORM — Talǵar aýdandyq sotynda Hasan Qasymbaev isi boıynsha qalǵan aıyptalýshylarǵa da úkim shyqty.
Sot sheshimimen is boıynsha ózge aıyptalýshylar kináli dep tanyldy.
* Rýslan Álıev — 20 jylǵa;
* Madııar Qalımjanov — 12 jylǵa;
* Saılaý Aqtanov — 8,5 jylǵa;
* Danııar Asqarov — 8 jylǵa sottaldy.
Eń aýyr jaza Nurmuhambet Sultanbekovke berildi. Ol 22 jylǵa bas bostandyǵynan aıyryldy.
Olardyń bárine Qylmystyq kodekstiń úsh baby boıynsha aıyp taǵylǵan: adam urlaý, qasaqana aýyr jaraqat salý jáne qorqytyp aqsha alý.
Eske salaıyq, buǵan deıin osy is boıynsha negizshi aıyptalýshy Hasan Qasymbaev kináli dep tanylyp, 12 jylǵa bas bostandyǵynan aıyrylǵanyn habarlaǵanbyz.
