Hasan Qasymbaev isi BAQ úshin shekteýlermen qaralyp jatyr
QONAEV. KAZINFORM — Talǵar aýdandyq sotynda Hasan Qasymbaev jáne ózge 5 aıyptalýshyǵa qatysty kezekti sot otyrysy bastaldy.
Sot otyrysy ashyq rejımde ótip jatyr, alaıda buqaralyq aqparat quraldary úshin birqatar shekteý qoıylǵan: jýrnalıster sot otyrysyn kórshiles kabınetten beınetranslıatsııa arqyly baqylaıdy.
Búgingi sot otyrysynda kýágerlerden jaýap alynady. Barlyǵy 6 adamnan jaýap alý josparlanǵan. Buǵan deıin sýdıa Aınagúl Tuqybaeva jýrnalısterge sot zalyna kirýge, jábirlenýshiler men kýágerlerdiń aıǵaqtaryn, jeke derekterin jarııalaýǵa, sondaı-aq aıyptalýshylar men protsess qatysýshylarynyń bet-beınesin kórsetýge tyıym salǵan.
Hasan Qasymbaevpen birge aıyptalýshylar oryndyǵynda Rýslan Álıev, Madııar Qalımjanov, Saılaý Aqjanov, Nurmuhammet Sultanbekov, Danııar Asqarov otyr.
Eske salaıyq, sot bastalǵannan keıin aıyptalýshylardyń advokattary prokýrordy aýystyrýdy ótindi.
Sýdıa Aınagúl Tuqybaeva bul ótinishti qanaǵattandyryp, memlekettik aıyptaýshy zaldan shyqty.
Sot barysynda jábirlenýshi — fıtnes-jattyqtyrýshy ózin qalaı urlap ketip, uryp-soqqanyn aıtyp berdi.
Hasan Qasymbaev byltyr qarasha aıynda qamaýǵa alyndy.