«HAS» qarjy pıramıdasynyń beti ashyldy

ASTANA. KAZINFORM — Ózderin syrtqy ekonomıkalyq qyzmetpen aınalysatyn kompanııa retinde tanystyryp, azamattardy túrli ınvestıtsııalyq jobalarǵa aqsha salýǵa úgittegen «HAS» qarjy pıramıdasynyń syry ashyldy. Bul týraly Qarjylyq monıtorıng agenttigi málim etti. 

Qarjy pıramıdasy quryǵyna túsirgen adamdarǵa aı saıyn 70%-ǵa deıin passıvti tabys túsip otyrady dep ýáde bergen.

— Áleýmettik jelilerde Astana jáne Qosshy qalalarynda turǵyn úılerdiń qurylysy boıynsha jalǵan aktsııalar belsendi túrde nasıhattalǵan. Qurylys júrip jatqandaı kórinis jasaý úshin arnaıy tehnıka jaldanyp, dekoratsııalar paıdalanylǵan, — delingen habarlamada.

Atalǵan isti QMA Pavlodar oblysy boıynsha departamenti tergep-tekserdi.

Eske sala keteıik, buǵan deıin Harmony Rider Technology qarjy pıramıdasy aqtóbelikterden 197 mln teńge jymqyrǵanyn jazǵan edik.