Harrıson Fordty shuǵyl túrde tikushaqpen túsirilim alańynan aýrýhanaǵa jetkizdi
ASTANA. QazAqparat - «Zvezdnye voıny. Epızod VII» fılminiń túsirilimi kezinde Harrıson Ford zardap shekti. 71 jastaǵy akter tizesin jaraqattap alyp, medıtsınalyq tikushaqpen shuǵyl túrde aýrýhanaǵa jetkizildi, dep habarlady ITAR-TASS.
Túsirilimdi Pinewood aǵylshyn kınostýdııasy Londonǵa jaqyn jerde júrgizip jatqan. BAQ málimetteri boıynsha, Fordtyń aıaǵyna bir aýyr zat qulap ketken, keıbir derekterge qaraǵanda, ol gıdravlıkalyq esik bolǵan.
Sonymen birge, akterdiń jaraqaty kınokartınanyń túsirilimine bóget bolmaýy tıis dep te habarlanýda. Fordtyń resmı ókilderi bul málimetterge baılanysty áli eshqandaı túsinikteme bergen joq.
