Harrıson Ford Los-Andjelestegi derbes úıin satýǵa shyǵardy
ASTANA. 10 sáýir. QazAqparat - Amerıkandyq akter Harrıson Ford los-andjelestik Brentvýd (Brentwood) aýdanyndaǵy ımenıesin satýǵa shyǵardy. Realtor portalynyń habarlaýynsha, jyljymaıtyn múlik úshin ol 8,295 mıllıon AQSh dollaryn almaqshy.
1950 jyldardyń basynda salynǵan basty derbes úıi men úsh qonaqjaıynyń jalpy aýmaǵy shamamen 665 sharshy metrdi quraıdy. Onda jeti jatyn bólme, segiz jýynatyn bólme, keń qonaq bólmesi, as úıi, ashana, birneshe kamın, kitaphana jáne bar ornalasqan. 0,32 gektar jerdi alyp jatqan irgeles jatqan aýmaqta basseın men baqsha bar.
The Real Estalker portalynyń aqparatynsha, Ford bul derbes úıdi 1983 jyly satyp alǵan edi. Sol kezde úıge shamamen 1 mıllıon dollar tólegen.
Budan buryn Fordtyń Los-Andjeleske jaqyn jerde ornalasqan Mandeville Canyon degen jerden 12,65 mıllıon dollarǵa derbes úı satyp alǵany habarlanǵan edi. Úıdiń jalpy aýmaǵy 1280 sharshy metrdi quraıdy.
