Harmony Rider Technology qarjy pıramıdasy aqtóbelikterden 197 mln teńge jymqyrǵan
ACTANA. KAZINFORM - Qarjylyq monıtorıng agenttiginiń Aqtóbe oblysy boıynsha departamenti Harmony Rider Technology qarjy pıramıdasynyń qyzmetin toqtatty.
Derekke qaraǵanda, ózderin AQSh-ta tirkelgen jáne elektr samokattaryn óndiretin iri kompanııa retinde tanystyrǵan kúdiktiler azamattarǵa joǵary tabys ákelýge ýáde etken.
- Alaıda, is júzinde elektr samokattaryn satýmen aınalyspaǵan. Salymshylarǵa tólemder tek jańa qatorde 115 adam pıramıdaǵa 197 mıllıon teńgeden astam qarajat salǵan, - dep jazdy tekserýshi organnan.
Tergeý kezinde kúdiktiler salymshylardyń aqshasyn OKX krıpto ámııanyna aýdaryp, odan keıin fıattyq aqshaǵa aıyrbastap, bank shottaryna shyǵarǵany anyqtaldy.
Zańsyz kirister esebinen Aqtóbe qalasynda 2 páter men 3 avtokólik satyp alynyp, jasyrý maqsatynda jaqyn týystaryna rásimdelgen.
Sot sanktsııasymen atalǵan múlikke tyıym salyndy.
Sotqa deıingi tergeý aıaqtalyp, qylmystyq is sotqa joldandy.
QR QPK-niń 201-baby boıynsha basqa aqparat jarııa etilmeıdi.
Aıta keteıik, qazirgi tańda elimizdiń 6 óńirinde — Almaty, Atyraý, Jambyl, Qyzylorda oblystary men Astana jáne Almaty qalalarynda HRT qarjylyq pıramıdasynyń qurylymdyq bólimshelerin qurý deregi boıynsha sotqa deıingi tergeý júrip jatyr.
Jaqynda SQO-da Sincere Systems Group qarjy pıramıdasynyń qyzmeti toqtatyldy.