Harbındegi qysqy Azııa oıyndaryna 6 myńǵa jýyq volonter tartylǵan
HARBIN.KAZINFORM – Qytaıdyń Harbın qalasynda ótken qysqy Azııa oıyndaryna 6 myńǵa jýyq volonter tartylǵan.
Harbın qysqy Azııa oıyndaryn uıymdastyrý komıtetiniń adam resýrstary jáne volonterlik qyzmet departamenti dırektorynyń orynbasary Lı ıAnfennyń aıtýynsha, Azıadada 5875 volonter qyzmet atqarǵan.
– Qysqy Azııa oıyndaryna eriktilerdi irikteý 2023 jyldyń 30 qarashasynda bastalyp, 2024 jyldyń 31 qańtarynda aıaqtalady. Úmitkerlerdiń jalpy sany 100 myńǵa jýyqtady. Joǵary bilikti jáne kásibı is-shara volonterler komandasyn jasaqtaý úshin, muqııat irikteýden keıin 5875 erikti tańdap alyndy,- dedi ol.
Onyń aıtýyna qaraǵanda, eriktiler 12 elden kelgen 26-sy qytaıda oqyp jatqan stýdenttter.
– Beıjińdegi Qysqy Olımpıada oıyndary jáne Hanchjoýdaǵy Azııa oıyndaryna qatysqan 560 erikti shaqyryldy. Olar is-sharalardyń úzdiksiz ótýin qamtamasyz etý úshin ózderiniń baı tájirıbesin paıdalandy,-deıdi Lı ıAnfen.
Aıta ketıik, volonterler halqaralyq sporttyq jáne basqa sharalardyń ótýinde mańyzdy ról atqarady. Olar álemniń tórt buryshynan kelgen sharaǵa qatysýshylarǵa ózderiniń kómegin kórsetedi.
Osyǵan deıin habarlaǵanymyzdaı, Qysqy Azıadanyń shańǵymen syrǵanaý jarysynda medıa qyzmetkerlerine kómek kórsetetin volonter Shy Tszınfan Kazinform tilshisine Qazaqstan týraly Dımash Qudaıbergen arqyly biletinin aıtqan bolatyn.