Harbın: Hokkeıden Qazaqstan quramasy jartylaı fınalǵa joldama aldy

HARBIN. KAZINFORM – Harbın Qalasynda ótip jatqan ІH qysqy Azııa oıyndarynyń erler arasyndaǵy pleı-off matchy bastaldy.

Qazaqstan erler quramasy shırek fınalda qytaılyq Gonkong quramasymen kezdesip, qarsylastaryna 24 shaıba saldy.

Jigitterimiz qarsylastaryna eshqandaı múmkindik bergen joq. Alǵashqy kezeńde 8 gol, ekinshi kezeńde 7 shaıba, al sońǵy kezeńde 9 shaıba soqty.

Osylaısha, qazaqstandyq hokkeıshiler qarsylasyn jarys jolynan taıdyryp, jartylaı fınalǵa joldama aldy.

Aıta keteıik, hokkeıden Qazaqstan erler quramasy qysqy Azııa oıyndarynyń A tobynda barlyq kezdesýde jeńiske jetip, pleı-offqa birinshi orynmen shyqty.

Osyǵan deıin, túrikmenstandyq 4 sportshy Gonkong komandasymen oıynnan keıin tóbeleskeni úshin qysqy Azııa oıyndarynan shettetilgenin jazǵan bolatynbyz.