Harkovtaǵy kópqabatty úıde jarylys boldy
ASTANA. 17 jeltoqsan. QazAqparat - Keshe Harkovtaǵy kópqabatty, záýlim úıde jarylys boldy. Oryn alǵan oqıǵanyń saldarynan 3 adam mert boldy, 4-ýi jaraqattandy, dep habarlady RBK.
Oqıǵa Máskeý ótkeli, 248-b kóshesiniń boıynda ornalasqan 16 qabatty úıdiń joǵary qabattarynyń birinde bolǵan. Jarylystyń sońy órtke ulasty, jalyn 5 páterdi sharpydy, dep habarlady Harkovtyń qalalyq keńesi.
Qaziri ýaqytta órt sóndirildi, jarylystyń sebep-saldarlary anyqtalýda. Qaza bolǵandardyń barlyǵy jarylǵan páterdiń turǵyndary ekeni belgili boldy.
Jergilikti bılik ókilderi zaqymdanǵan páterlerdiń turǵyndaryn qalanyń qonaqúılerine ornalastyrý máselesin sheshýde.
Esterińizge sala keteıik, qarashanyń sońynda Tomskide turǵyn úıde jarylys bolǵan edi. Jarylys 2 adamnyń ómirin qıyp ketti. 8 adam jaraqat aldy. Tótenshe jaǵdaıǵa páterlerdiń birinde tóbeni jóndeý jumystary kezinde gaz ballonnyń jarylysy sebep boldy. Oqıǵanyń saldarynan birneshe páter zaqymdanyp, eki balkon opyrylyp qulady.
