Harkov qalasynda áıel mingen djıp bir top adamdy taptap ótti
ASTANA. QazAqparat - Ýkraınanyń Harkov qalasynyń ortalyǵynda jol talǵamaıtyn «Lexus» kóligi adamdardy basyp ótti, delingen Harkov qalasy polıtsııasynyń habarlamasynda. Bul týraly Rıa Novostı agenttigi habarlady.
"Jol-kólik oqıǵasy 18 qazan kúni saǵat 20-45-te Sýmskıı kóshesiniń boıynda boldy. Oqıǵanyń saldarynan 11 adam zardap shekti", - delingen polıtsııanyń Facebook-tegi paraqshasynda.
ІІM-niń keńesshisi Anton Geraşenkonyń sózinshe, zardap shekkenderdiń 6-aýy qaıtys bolǵan.
Vedomstvo ókilderi, sondaı-aq, jol talǵamaıtyn kólik ózge kólikpen soqtyǵysqan soń jol jıegine shyǵyp ketken jáne ol baǵdarshamnyń qyzyl túsine jyldamdyqty shekten tys asyra ketip bara jatqan. Kólikti basqaryp otyrǵan júrgizýshi áıel ustaldy.
Oqıǵa ornyna Harkov jedel-tergeý toby bardy. Polıtsııa jolda júrý erejesin buzý áreketine baılanysty qylmystyq is qozǵady.
