«Happy Cake» tortyn synǵa alǵan sheneýnik jazaǵa tartylmaq

«Happy CakeEurasia» JShS dırektorynyń departament basshysy týraly shaǵymynan keıin Ádep keńesi hatshylyǵy Sádýaqas Baıǵabylovqa qatysty tártiptik is qozǵap, qyzmettik tekserýdi bastaǵan.

Tekserýde 2018 jyldyń jeltoqsan aıynda ınternet BAQ-tardyń birinde S. Baıǵabylovtyń Happy Cake táttileri týraly pikiri jarııalandy. Elordanyń bas sanıtarlyq dárigeri kondıterlik tsehtiń departament ruqsatynsyz jumys isteıtinin, ondaǵy mamandardyń densaýlyq jaǵdaıy tekserilmegenin aıtady.

«QR «Tamaq óniminiń qaýipsizdigi týraly» zańynyń 4-baby, 1-tarmaǵyna sáıkes, azyq-túlik qaýipsizdigi salasyndaǵy memlekettik retteý kásipkerlikti damytýǵa járdemdesýi qajet. Bul jaǵdaıda S. N. Baıǵabylov ózge kásipkerlik sýbektilerin ysyryp qoıyp, sanıtarlyq-epıdemıologııalyq tujyrymdamasyz bir ǵana JShS-ti atap kórsetken. QR zańnamasyndaǵy shekteýlerge baılanysty departament kásipkerlerden sáıkes tujyrymdamany talap ete almaıdy jáne BAQ-ta aıtylǵan sózder atalǵan JShS qyzmetin tekserýge negizdelmegen. Saldarynan kásipker S. N. Baıǵabylovtyń pikirimen kelispeı, iskerlik jáne halyq arasyndaǵy bedeline nuqsan kelgeni úshin Nur-Sultan qalasynyń quzyrly jáne baqylaý organdaryna shaǵymdandy», - dep habarlady Ádep keńesiniń baspasóz qyzmeti.

Etıkalyq keńestiń málimdeýinshe, S. N. Baıǵabylov QR Memlekettik qyzmetshileriniń Ádep kodeksiniń 5-baby 2 jáne 7-tarmaqtarynda kórsetilgen talaptardy (adal, ádil, qarapaıym bolý, jalpy qabyldanǵan moraldyq-ádeptilik normalaryn saqtaý, azamattarmen jáne áriptesterimen qarym-qatynasta sypaıylyq pen ádeptilik tanytý; óziniń is-áreketimen jáne minez-qulqymen qoǵam tarapynan aıtylatyn synǵa sebepker bolmaý, synaǵany úshin qýdalaýǵa jol bermeý, oryndy syndy kemshilikterdi joıý men óziniń qyzmetin jaqsartý úshin paıdalaný) buzǵan.

QR Kásipkerlik kodeksiniń 140-baby, 8-bólimine sáıkes, shaǵyn kásipkerlik, onyń ishinde mıkrokásipkerlik sýbektilerine qatysty memlekettik tirkelgen kúninen bastap úsh jyl boıy tekserýler júrgizýdiń erekshe tártibi boıynsha tekserý júrgizýge jáne profılaktıkalyq baqylaý men qadaǵalaý júrgizýge tyıym salynady.

Alaıda, 2018 jyldyń 24 jeltoqsanynda ınternet-portaldardyń birine S. N. Baıǵabylov Elordadaǵy qaýipti táttiler jasalatyn kondıterlik tsehtardyń tizimin jarııalaǵan. Onda «tekserýden qashyp júrgen», «tujyrymdamasy joq» kondıterlik ónim daıyndaıtyn nysandardy atap kórsetken. «Olar Pampýshka, Táp-tátti, Onemorecake, Pirogesh, HappyCake, Baked With Love, Tattinan, Aınanan, TortNaZakaz.kz, Provence, Dolcepatisserie, Ardaq JK jáne basqalary. HappyCake pen Táp-tátti tsehtary buǵan deıin rusqat qaǵazyn alýǵa ótinish bildirdi, biraq sanıtarlyq-epıdemıologııalyq talaptarǵa saı kelmegendikten, ruqsat berilmedi», - dep aıtqan S. Baıǵabylov.

«Bul jaǵdaıda S. N. Baıǵabylovtyń habarlamasy orynsyz, sebebi atalǵan kásipkerlik sýektileri óz qalaýymen tekserýden qashyp júre almaıdy. Jeke jáne zańdy tulǵalardyń shaǵymy boıynsha jospardan tys tekserýdi qospaǵanda, olardyń qyzmeti QR Kásipkerlik kodeks normasymen qorǵalǵan. Bul jerde S. N. Baıǵabylov QR Memlekettik qyzmetshileriniń Ádep kodeksiniń 2-baby 7 jáne 9-tarmaqtarynda kórsetilgen talaptardy (óziniń is-áreketimen jáne minez-qulqymen qoǵam tarapynan aıtylatyn synǵa sebepker bolmaý, synaǵany úshin qýdalaýǵa jol bermeý, oryndy syndy kemshilikterdi joıý men óziniń qyzmetin jaqsartý úshin paıdalaný; shyndyqqa sáıkes kelmeıtin málimetterdi taratpaý) buzyp otyr», - dep túsindirdi Etıkalyq keńes.

Odan bólek, «Happy Cake» JShS dırektory S. Muhamed elorda turǵyny B. A. Sansyzbaevtan densaýlyǵynyń nasharlaýy týraly shaǵym túskenin, biraq is prokýratýraǵa túsken soń, B. A. Sansyzbaevtyń esh sebepsiz tekserýdi toqtatýdy ótingenin jetkizdi.

«Óz túsiniktemesinde S. N. Baıǵabylov ashyqtyq pen ádildik ustanymdaryn qoldaıtynyn, tamaq ónimderiniń adam ómiri men densaýlyǵyna qaýipsizdigi týraly aqparatty teń usynatynyn aıtqan. Biraq 2018 jyldyń 21 jeltoqsanynda jańajyldyq mereke qarsańynda deparatment basshysy sanıtarlyq-epıdemıologııalyq tujyrymdamasy bar kásipkerlik sýbektilerinen ǵana tort alýǵa keńes bergen jáne «Happy Cake» jelisin ruqsat qaǵazy joq ekenin mysal retinde keltirgen. Departament ózge de kondıterlik ónim óndirýshilerin atap kórsetken», - delingen Ádep keńesiniń habarlamasynda.

Tártiptik isti qaraı otyryp, Ádep keńesiniń músheleri S. N. Baıǵabylovtyń QR Memlekettik qyzmetshileriniń Ádep kodeksiniń 5-babyndaǵy 2, 7, 9-tarmaqtaryn buzǵanyn anyqtady. Qyzmettik tekserý materıaldary men S. N. Baıǵabylovtyń túsiniktemesin taldap, QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Nur-Sultan qalasy boıynsha departamenti Ádep keńesi QR Densaýlyq saqtaý mınıstrliginiń jaýapty hatshysy B. T. Tókejanovqa Memlekettik qyzmetshilerdiń ádep kodeksin buzǵany úshin Nur-Sultan qalasynyń Qoǵamdyq densaýlyq saqtaý departamentiniń basshysy Sádýaqas Baıǵabylovqa «eskertý» túrinde tártiptik jaza qoldanýdy usyndy», - delingen habarlamada.