Hanzada Mıkasa ımperatorlyq otbasynyń 100 jasqa tolǵan alǵashqy ókili atandy
ASTANA. QazAqparat - Hanzada Mıkasa japonııalyq ımperatorlyq otbasynyń 100 jasqa tolǵan alǵashqy ókili atandy. Bul týraly The Asahi Shimbun jazdy.
Hanzada 1915 jyly 2 jeltoqsanda dúnıege kelgen. Ol ımperator Hırohıtonyń kishi inisi jáne qazirgi ımperator Akıhıtonyń aǵasy. Mıkasanyń toǵyz nemeresi men tórt shóberesi bar.
«Búkil álemdegi halyq baqytty bolsa eken dep, kúnderimdi qýanysh pen tynyshtyqta ótkizsem eken dep tileımin. 70 jyldan astam ýaqyttan beri meni qoldap kele jatqan jarym ıÝrıkoǵa alǵysym sheksiz», - delingen ımperatorlyq saraı isteri jónindegi basqarma taratqan hanzadanyń málimdemesinde.
Mıkasa men ıÝrıko kún saıyn bir kelilik gantelmen jattyǵý jasaıtyny atalyp ótildi. Ol shamamen 30 mınýtqa sozylady.
