Hanzada Garrı tórt jyldan keıin balalaryn Ulybrıtanııaǵa alyp kelmek
ASTANA. KAZINFORM – Ulybrıtanııa koroli III Charlzdyń uly hanzada Garrı men jubaıy Megan Markl shilde aıynda balalarymen birge Ulybrıtanııaǵa barýdy josparlap otyr. Bul týraly BBC habarlady.
Basylym málimetinshe, jup jeti jastaǵy Archı men bes jastaǵy Lılıbetti ertip keledi. Bul Garrı otbasynyń sońǵy tórt jyldaǵy Ulybrıtanııaǵa alǵashqy sapary bolmaq.
Hanzada Garrı buǵan deıin balalaryn týǵan eline alyp kelgisi keletinin birneshe ret aıtqan. Alaıda sapar kezinde qandaı qaýipsizdik sharalary qoldanylatyny ázirge belgisiz.
Sondaı-aq korol III Charlzdyń nemerelerimen kezdesip-kezdespeıtini de naqtylanbaǵan. Korol Archı men Lılıbetti sońǵy ret 2022 jyly patshaıym II Elızavetanyń taqqa otyrǵanyna 70 jyl tolýyna arnalǵan merekelik is-shara kezinde kórgen.
Ótken jyly hanzada Garrı BBC-ge bergen suhbatynda koroldik otbasymen tatýlasqysy keletinin málimdegen bolatyn. Al byltyr qyrkúıekte ol bir jarym jyldyq úzilisten keıin ákesimen Londonda kezdesken.
Eske salsaq, Garrı 2020 jyly koroldik otbasy múshesiniń mindetterinen bas tartyp, jubaıy Megan Markl jáne uly Archımen birge AQSh-qa qonys aýdarǵan. Keıin oǵan koroldik otbasy múshelerine beriletin memlekettik kúzet qyzmeti toqtatylǵan.
Aıta keteıik, 2025 jyldyń mamyrynda hanzada Garrı Ulybrıtanııaǵa saparlary kezinde memlekettik kúzetti qaıtarý týraly sot isinde jeńilip qalǵan edi. Sondaı-aq olar shyǵyndary men qyzmetkerlerin qysqartty.
