Hanzada Garrı oılamaǵan jerden meshitke bas suqty
ASTANA. QazAqparat - Brıtan bıliginiń tórtinshi taq ıegeri hanzada Garrı Oman astanasy Maskat qalasyndaǵy issapary barysynda oılamaǵan jerden Ortalyq meshitke bas suǵyp, aralap shyǵýdy jón sanady, dep habarlady https://muslim.kz.
Qulshylyq ordasyna tártip boıynsha, aıaq kıimin sheship kirgen ol meshit ǵımaratynyń tańǵajaıyp sulýlyǵyna tań-tamasha qaldy. 20 000 jan syıatyn alyp meshit týraly keıbir aqparattardy hanzada Garrı ózi surap bilip otyrdy. Sońynan meshit kitaphanasyna bas suqqan ol qabyrǵada ilinip turǵan ákesi Charlzdyń sýretin kórip, alǵysyn bildirdi.
Esh eskertýsiz, oılamaǵan jerden meshitke kelgen hanzadanyń bul áreketi jergilikti turǵyndardyń maqtanysh sezimin týǵyzdy. Máz-meıram bolǵan olar hanzadany alystan sýretke túsirýge tyrysty.
