Hanzada Garrı mına alqabymen júrip ótti

ASTANA. KAZINFORM - Hanzada Garrı marqum anasy Dıana hanshaıymnyń áıgili áreketin qaıtalady, dep habarlaıdy Associated Press.

Sasseks gertsogy Angolaǵa baryp, burynǵy soǵys aımaqtaryn jarylǵysh qurylǵylardan tazartý boıynsha qaıyrymdylyq jumysy týraly habardar bolý úshin oq ótkizbeıtin jıletpen belsendi alańdy aralap shyqty. 

Hanzada Garrı 1997 jyly Afrıkanyń ońtústigine sapar shekken kezde Dıana hanshaıym birge jumys istegen Halo Trust uıymymen Angolaǵa bardy. Dıananyń jumysy men onyń mına alańynda serýendep júrgen sýretteri sol jyly ratıfıkatsııalanǵan mınaǵa tyıym salý týraly kelisimge qoldaý kórsetýge kómektesti. 

Angolanyń barlyq aýmaǵyndaǵy mınalar 1975-2002 jyldar aralyǵyndaǵy 27 jylǵa sozylǵan azamattyq soǵystan qalǵan. Halo Trust málimetinshe 2008 jyldan beri keminde 60 myń adam mınadan qaza tapty jáne jaraqat aldy. Uıym Angolada 30 jyl jumys istegende 120 myńnan astam mına men 100 myń basqa jarylǵysh zattardy taýyp, joıǵanyn, 1 myń mına alańy áli tazartylmaǵanyn aıtady.

Osyǵan deıin Lıtva, Latvııa jáne Estonııanyń jaıaý áskerge qarsy mınaǵa tyıym salý konventsııasynan shyqqanyn habarlaǵan edik.