Hanýkka merekesin toılaý kezinde Sıdneı jaǵajaıynda atys boldy

ASTANA. KAZINFORM – Álemdegi eń tanymal jaǵajaılardyń biri Sıdneıdegi Bondı jaǵajaıynda oq atyldy. Polıtseıler shuǵyl operatsııa júrgizilgenin rastap, turǵyndar men týrısterdi aýmaq mańynan aýlaq júrýge shaqyrdy, dep habarlaıdy Kazinform BILD basylymyna silteme jasap.

Jergilikti The Sydney Morning Herald gazetiniń habarlaýynsha, Sıdneıdegi Bondı jaǵajaıyndaǵy oqıǵadan keminde 10 adam qaza taýyp, 60 adam jaralanǵan. Bul aqparat áli resmı túrde rastalǵan joq. 

Kýágerlerdiń aıtýynsha, evreılerdiń Hanýka merekesin toılaý kezinde qara kıingen eki er adam jaǵajaıda oq jaýdyrǵan. Kem degende 50 oq atyldy. Aıtýly merekege 2 myńǵa jýyq adam qatysqan. 

Beınejazbaǵa qaraǵanda, oq atqandardyń birin onyń artynan jasyrynyp jetken jergilikti turǵyn qolǵa túsirgen.

Aldyn ala málimet boıynsha, atys kezinde polıtsııa shabýyldaýshylardyń birin atyp óltirdi, ekinshisi jaralanyp, ustaldy.

Eske salsaq, osyǵan deıin Braýn ýnıversıtetindegi atys kezinde eki adam qaza tapqanyn jazǵanbyz.