Hantavırýsqa baılanysty Moderna aktsııalarynyń quny ósti
ASTANA. KAZINFORM - Moderna hantavırýsqa qarsy vaktsına ázirleý boıynsha alǵashqy zertteýler bastalǵanyn jarııalady, dep habarlaıdy TheGuardianIn.
Osy jańalyqtan keıin dúısenbi kúngi saýdada kompanııa aktsııalary shamamen 6 paıyzǵa ósti.
Vaktsına ázirleý jumystary AQSh armııasynyń juqpaly aýrýlar ınstıtýtymen jáne Koreıa ýnıversıtetiniń vaktsına ınnovatsııalary ortalyǵymen birlesip júrgizilip jatyr.
Kompanııa ókilderi bul jobany jańa ınfektsııalarǵa qarsy kúres strategııasynyń bir bóligi dep atady.
Hantavırýs taqyrybyna qyzyǵýshylyq MV Hondius krýız kemesindegi indetten keıin kúsheıdi.
Kemede «And hantavırýsy» shtamyn juqtyrǵan jeti adam tirkelgen.
Naýqastardyń úsheýi kóz jumǵan.
Hantavırýs asa qaýipti ınfektsııalardyń biri sanalady.
Aýrýdyń respıratorlyq túri kezinde ólim kórsetkishi 38 paıyzǵa deıin jetýi múmkin.
Infektsııa belgilerine dene qyzýynyń kóterilýi, bulshyq ettiń aýyrýy jáne qatty álsizdik jatady.
Qazir AQSh bıligi medıtsınalyq tekserý júrgizý úshin krýız kemesindegi amerıkalyq azamattardy evakýatsııalap jatyr.
Moderna — COVID-19-ǵa qarsy vaktsınasymen tanylǵan jetekshi amerıkalyq bıotehnologııalyq kompanııa.
Osyǵan deıin hantavırýs anyqtalǵan krýızdik kemeden evakýatsııalanǵan sońǵy top Nıderlandqa ushatyny týraly jazdyq.
