Hantavırýs indeti taraǵan krýızdik keme Rotterdamǵa keldi
ASTANA. KAZINFORM — Hantavırýs indeti taraǵan MV Hondius krýızdik kemesi dúısenbi kúni saparyn aıaqtaǵannan keıin dezınfektsııalaý úshin Gollandııanyń Rotterdam portyna toqtady, dep habarlaıdy Sınhýa.
Kemeniń ekıpaj músheleri dereý karantınge jatqyzyldy. Óz eline qaıta almaıtyndar Nıderlandyda karantınnen ótedi. Bul týraly ótken aptada eldiń Densaýlyq saqtaý mınıstrligi habarlaǵan bolatyn.
Oceanwide Expeditions kompanııasynyń málimeti boıynsha MV Hondius kemesinde qazirgi ýaqytta 27 adam bar, onyń ishinde 25-i ekıpaj múshesi jáne ekeýi medıtsına qyzmetkeri. Olardyń quramynda 17 fılıppındik, 4 gollandııalyq, 4 ýkraınalyq, bir reseılik jáne taǵy bir polıak bar. Kópshiligi Rotterdamda 6 aptalyq karantınnen ótedi.
Eske sala keteıik, krýızdik laınerde tirkelgen hantavırýs jańa vaktsınany jasaýdy jedeldetti.
Sońǵy kúnderi álem nazaryn asa qaýipti hantavırýs aýdardy. Sırek kezdesetin jappaı juqtyrý derekteri men vırýstyń adamnan adamǵa taralýy múmkin degen kúdik alańdy kúsheıtti. Hantavırýs qaıdan paıda boldy, onyń pandemııaǵa aınalý qaýpi bar ma jáne ol Qazaqstanǵa qalaı áser etýi múmkin? Máseleniń mán-jaıyn myna siltemeden oqı alasyz.
