Hantavırýs: Ispanııada krýızdik keme oqıǵasy boıynsha shekteý sharalary kúsheıtildi
ASTANA. KAZINFORM — Ispanııa hantavırýs anyqtalǵan krýızdik kememen jumys isteý hattamasyn bekitti, dep habarladıy Euronews.
Ispanııa bıligi hantavırýs anyqtalǵan krýızdik keme MV Hondius bortynda qazirgi ýaqytta sımptomdary bar jolaýshylar qalmaǵanyn málimdedi.
Keme jeksenbi kúni 144 jolaýshysy men ekıpaj múshelerimen birge Tenerıfe portyna jetedi dep kútilýde. Sol jerde sheteldik azamattar óz elderine jóneltiledi, al ıspan azamattary karantınge ornalastyrylady.
Ispanııa bıligi adamdardy tikeleı ushaqtarǵa nemese aýrýhanalarǵa jetkizetinin, olardy qoǵamdyq oryndarǵa shyǵarmaıtynyn habarlady. Qoǵammen kez kelgen baılanysqa jol berilmeıtini aıtyldy.
Sonymen qatar, kemeden resmı túrde indet anyqtalmaı turyp túsken jolaýshylar tórt qurlyqta izdestirilip jatyr, dep habarlaıdy Associated Press.
Olardyń ishinde Kalıfornııadan kelgen jolaýshylar bar ekeni belgili, olar tabylyp, medıtsınalyq baqylaýǵa alynǵan. Hantavırýs jaǵdaılary Shveıtsarııada, Izraılde jáne Ulybrıtanııanyń sheteldik aýmaqtarynda da tirkelgen.
Dárigerlerdiń pikirinshe, ınfektsııanyń bastapqy kózi Nıderlandtan kelgen erli-zaıypty bolýy múmkin, olar aýrýdan kóz jumǵan. Krýız bastalmaı turyp olar Ońtústik Amerıkada bolǵan, sol jerde juqtyrýy yqtımal.
Buǵan deıin Dúnıejúzilik densaýlyq saqtaý uıymy Argentınadan shyqqan krýızdik kemedegi segiz naýqastyń beseýinde hantavırýs rastalǵanyn habarlaǵan.
Aıta ketelik Izraılde hantavırýsty juqtyrýdyń alǵashqy jaǵdaıy tirkelgen edi.
