Hanoıda saýda-ekonomıkalyq yntymaqtastyq jónindegi Qazaqstan-Vetnam úkimetaralyq komıssııasynyń otyrysy ótedi
ASTANA. Jeltoqsannyń 21-i. QazAqparat /Rýslan Ǵabbasov/ - Jeltoqsannyń 22-sinde Vetnam astanasy Hanoıda saýda-ekonomıkalyq jáne ǵylymı-tehnıkalyq salalardaǵy yntymaqtastyq jónindegi Qazaqstan-Vetnam úkimetaralyq komıssııasynyń tórtinshi otyrysy ótedi. Bul týraly búgin Astanada aptalyq brıfıngte Syrtqy ister mınıstrliginiń resmı ókili Erjan Ashyqbaev aıtty,
dep habarlaıdy QazAqparat.
Resmı ókildiń aıtýynsha, kelissózderge Qazaqstan jaǵynan QR Syrtqy ister mınıstriniń orynbasary Nurlan Ermekbaev, al Vetnam tarapynan ónerkásip jáne saýda mınıstriniń orynbasary Le Zan Vın bastaǵan delegatsııa qatysatyn bolady.
Atalǵan shara aıasynda eki el arasyndaǵy ózara qarym-qatynastardy damytý bolashaǵy, sondaı-aq bıylǵy jyldyń qyrkúıeginde Vetnam Premer-mınıstriniń Qazaqstanǵa resmı sapary barysynda qol jetkizilgen ýaǵdalastyqtardy iske asyrý máseleleri talqylanbaq.
