«Handardy kózir qylǵan...» - respýblıkalyq basylymdarǵa sholý
ASTANA. Jeltoqsannyń 2-si. /QazAqparat/ - Qazaq aqparat agenttigi respýblıkalyq basylymdarda jeltoqsannyń 2-si, sársenbi kúni shyqqan ózekti materıaldarǵa sholýdy usynady.
«Jańa jyldyq bas shyrshanyń shamdary jaǵyldy». «Egemen Qazaqstan» basylymynyń búgingi sanyndaǵy bul maqala, keshe Elbasy Nursultan Nazarbaev Aqordanyń aldyndaǵy alańda ornatylǵan elimizdiń Jańa jyldyq bas shyrshasy shamdarynyń jaǵylý rásimine qatysyp, jınalǵan astanalyq baldyrǵandardyń zor qýanyshymen bóliskendigin jazdy.
Memleket basshysymen bolǵan tikeleı jeli kezinde qoǵamdyq tártipti saqtaý, qylmysqa, nashaqorlyqqa, kámeletke tolmaǵandar arasyndaǵy quqyq buzýshylyqtarǵa, zańsyz kóshi-qonǵa qarsy kúres problemalary jóninde 2 myńǵa jýyq saýal kelip tústi. «Egemen Qazaqstan» basylymynyń búgingi sanynda «Qylmysqa qarsy kúres júıeli júrýi tıis» degen taqyryppen osy saýaldarǵa Іshki ister mınıstri Serik Baımaǵanbetovtyń bergen jaýaptary jarııalanypty.
Sondaı-aq atalmysh basylymda jaryq kórgen «Barshaǵa taıanysh bolǵan qazaqqa da súıenish kerek» atty maqalada fılologııa ǵylymdarynyń doktory, professor Amangeldi Aıtaly El birligi doktrınasy týraly óz oılaryn ortaǵa salady.
***
«Keshe Elbasy Nursultan Nazarbaev Qyrǵyzstan Respýblıkasynyń Premer-mınıstri Danııar Úsenovti qabyldady. Prezıdenttiń baspasóz qyzmetiniń habaryna qaraǵanda, kezdesý barysynda qazaq-qyrǵyz ekonomıkalyq yntymaqtastyǵyn ári qaraı damytýdyń birqatar máseleleri talqylanǵan»,- dep jazdy «Aıqyn» basylymynyń búgingi sany. Tolyǵyraq basylymdaǵy «Qyrǵyz qazaqtan qansha qarjy surap keldi?» degen saýaldy taqyrypqa qurylǵan maqaladan oqyńyzdar.
Elbasy Nursultan Nazarbaevpen uıymdastyrylǵan tikeleı jelidegi suhbat barysynda túsken saýaldardyń 400-ge jýyǵy memlekettik qyzmetke qatysty boldy. «Aıqyn» gazetiniń búgingi sanynda «Memlekettik qyzmet Memleket basshysynyń nazarynda tur» degen taqyryppen Memlekettik qyzmet ister agenttiginiń tóraǵasy Qaırat Nurpeıisov atalǵan salaǵa qatysty qoıylǵan suraqtarǵa jaýap beripti.
Sonaı-aq atalmysh basylymnyń dástúrli «Qazaqtyń 100 áni» aıdarynda mýzyka zertteýshisi Baǵlan Bábijanniń «Úkili Ybyraıdyń «Qaldyrǵany» jaıynda oı órbitken.
***
«Astanadaǵy Jýrnalıster úıinde ótken baspasóz májilisinde Kereı men Jánibek handardyń eskertkishterine qatysty júrgizilgen arnaıy saraptamanyń qorytyndysy jarııalandy. Keıingi bir aıda buqaralyq aqparat quraldary belsendi túrde talqylaǵan taqyrypqa naqty túsinik berildi»,- dep jazǵan «Altyn orda» aptalyǵynyń osy jolǵy sanyndaǵy maqala «Handardy kózir qylǵan...» degen taqyryppen daý-damaıly eskertkishterge nazar aýdarypty.
«Syrshyl da, móldir lırıkanyń sheberi, aqıyq aqyn Ábdilda Tájibaevtyń týǵanyna 100 jyl tolyp otyr. «Ádebıettegi alyptar toby» dep atalǵan Muqań, Sábeń, eki Ǵabeń syndy marqasqalarmen úzeńgiles júrgen poezııa pyraǵynyń ómiri men shyǵarmashylyq joly da shyrǵalańǵa toly bolǵan eken». Osylaı tolǵaǵan atalmysh basylymdaǵy «Aqıyq aqyn, jaýhar jyr» degen taqyryppen berilgen kelesi maqala aqyn Ábdilda Tájibaıulynyń ómirine arnalypty.
Elbasy keshe Básekelestikti qorǵaý agenttiginiń tóraǵasy Májıt Esenbaevty qabyldady. Bul týraly búgin «Kazahstanskaıa pravda» gazeti jazdy. Agenttik tóraǵasy janar-jaǵarmaı men azyq-túlik naryǵyndaǵy baǵany turaqtandyrý boıynsha atqarylyp jatqan is-sharalardyń barysy týraly baıandady.
Atalmysh basylym sondaı-aq osy kúni Elbasy Qyrǵyzstannyń Premer-mınıstri Danııar Úsenovti qabyldaǵanyn habarlaǵan.
Al Qyrǵyz premeriniń qazaqstandyq áriptesimen kezdesýine «Izvestııa-Kazahstan» gazeti keńirek toqtalyp, Qazaqstan tarapy resmı Bishkekke otyn satyp alýǵa gýmanıtarlyq kómek kórsetetin boldy, dep jazady.
Jol talǵamaıtyn Ssang Yong markaly kólikter elimizde qurastyrylatyn boldy. Bul týraly «Lıter» basylymy habarlady. Gazettiń jazýynsha,«Agromashholdıng Qazaqstan» AQ men Ssang Yong Motors Sorporation jáne Allur Auto kompanııalar toby arasynda atalǵan kólikti qurastyrý boıynsha memorandým jasalǵan. Bul jobadaǵy ınvestıtsııanyń jalpy kólemi 16 mıllıon dollardan asady.
