«Handar shejiresi» — qazaq halqynyń tarıhı jady men rýhanı murasynyń qundy aıǵaǵy
ASTANA. KAZINFORM – «Ǵylym ordasy» Ortalyq ǵylymı kitaphanasynyń «Sırek kitaptar, qoljazbalar jáne ulttyq ádebıet» bóliminde saqtalǵan XVIII ǵasyrdaǵy «Handar shejiresi» biregeı qoljazbasy ıÝNESKO-nyń halyqaralyq «Álem jady» tizilimine engizildi.
Bul qujat — qazaq halqynyń tarıhı jady men rýhanı murasynyń qundy aıǵaǵy.
Qoljazba jazylǵan qaǵaz óziniń kólemine qaraı ólshenip pishilgen: eni 45 santımetr, uzyndyǵy úsh metrden asatyn juqa toqylǵan aq mataǵa jelimdep japsyrylǵan. Eki jaǵy urshyq basyna bekitilgen, urshyq sabyndaı arnaıy jasalǵan aǵash taıaqshaǵa oralǵan. Mundaı ádis osyndaı mańyzdy qujattardy, qoljazba nusqalardy arnaıy saqtaýǵa ońtaıly.
Bul qundy jádiger 1964 jyly kitaphana qoryna túsken. Qoljazba kitaphananyń burynǵy qyzmetkeri E.Baıbolovtyń atyna S. B. Kýlbasınov esimdi azamat joldaǵan. Ol óziniń mekenjaıyn RKFSR, Chelıabi oblysy, Sýbýtah stantsııasy, Magnıtti astyq sharýashylyǵynyń ońtústik bólimi dep kórsetken.
«Handar shejiresi» — tarıh pen mádenıettiń sabaqtastyǵyn aıǵaqtaıtyn, urpaqqa amanat bolǵan asyl mura.
Aıta ketelik Kesken-Kúıik qalashyǵy ıÝNESKO Búkilálemdik mura tizimine engizilýi múmkin ekenin jazǵan edik.