Hanchjoýdaǵy XIX Azııa oıyndary qandaı arenalarda ótedi

HANChJOÝ. QazAqparat – Qytaıdaǵy HІH Azııa oıyndarynyń bastalýyna 100 kúnge jeter-jetpes ýaqyt qaldy. Jarys 23 qyrkúıek pen 8 qazan aralyǵynda Chjetszıan provıntsııasynyń Hanchjoý qalasynda ótedi. Azııa oıyndary osymen Qytaıda úshinshi ret ótkeli tur. 1990 jyly Beıjińde, 2010 jyly Gýanchjoýda ótken bolatyn. Hanchjoýda ótetin Azııa oıyndarynyń negizgi sport nysandary QazAqparat tilshisiniń fotoreportajynda.

1. Úlken Lotos dep atalatyn Olımpıadalyq sport ortalyǵy Hanchjoýdaǵy Azııa oıyndarynyń bas stadıony. Sporttyq sharanyń ashylý jáne jabylý saltanaty osy jerde ótedi. Sonymen qatar bul jerde jeńil atletıka jarystary ótetin orynǵa aınalady. Stadıon pishini lotos gúline uqsaıdy jáne 80 myń orynǵa arnalǵan.

2. «Kishkentaı Lotos» stadıony 10 myń adamǵa eseptelgen, munda tennıs jáne soft-tennıs jarystary ótedi.

3. Hanchjoý Olımpıadalyq sport ortalyǵynyń gımnastıkalyq zaly. Ol basketbol jarystaryn ótkizý orny retinde qyzmet etedi. Sondaı-aq badmınton, gımnastıka, voleıbol, gandbol, boks, jekpe-jek, mını-fýtbol jáne basqa da sporttyq is-sharalarǵa arnalǵan alań retinde paıdalanýǵa bolady.

4. Sý sporty túrlerine arnalǵan alań da Hanchjoý olımpıadalyq sport ortalyǵynyń aýmaǵynda ornalasqan.

5. Hanchjoý Olımpıadalyq sport ortalyǵynyń skvosh-korty, skvosh jarystary ótetin oryn. Buryn 2016 jyly Hanchjoýda ótken G20 sammıtiniń basty orny bolǵan.

6. Hanchjoý kıbersport ortalyǵy, kıbersport jarystary ótetin oryn. Bul Qytaıdaǵy alǵashqy kásibı sport kesheni. Ǵımarat ǵarysh kemesine uqsaıdy. Hanchjoýdaǵy Azııa oıyndary kezinde kıbersporttan segiz altyn medal oınatylady.

HІH Azııa oıyndary Chjetszıan provıntsııasynyń ákimshilik ortalyǵy Hanchjoýdan basqa provıntsııanyń Nınbo, Venchjoý, Tszınhýa, Shaosın jáne Hýchjoý qalalarynda ótedi.

Hanchjoý - Qytaıdyń eń kórikti megapolısteriniń biri, qala aýmaǵynda ádemi Sıhý kóli (Batys kóli) bar. Ol barlyq jastaǵy qala turǵyndary men qonaqtaryn sulýlyǵymen baýraıtyn demalys orny.

Ótken beısenbi kúni HІH Azııa oıyndarynyń alaýy kóne Qytaıdyń Chjetszıan provıntsııasynyń Lıanchjý qalasynda jaǵyldy.

Esterińizge sala keteıik, HІH Azııa oıyndary bastapqyda 2022 jyldyń 10-25 qyrkúıegine josparlanǵan, biraq 2023 jyldyń kúzine aýystyrylǵan bolatyn.

2022 jylǵy Azııa oıyndaryn uıymdastyrý komıtetiniń málimeti boıynsha, Hanchjoýdaǵy HІH Azııa oıyndarynyń sport baǵdarlamasyna 40 sport túri, 61 tártip jáne 483 is-shara kiredi.

Atap aıta ketetin jaıt, kıbersport jáne breık-dans jarystary bıylǵy Azııa oıyndarynda alǵash ret ótkizilgeli otyr.

Hanchjoýda ótetin Azııa oıyndaryna Azııanyń 45 elinen 12 myńnan astam sportshy qatysady, onyń ishinde qazaqstandyq sportshylar da bar.