Han Táńiri shyńynyń basyna Qazaqstannyń týyn jelbiretý Azıada qarasańynda sportshylarǵa jasaǵan úlken syıymyz boldy- alpınıst A. Safrygın
ALMATY. 29 qańtar. QazAqparat /Erlik Erjanuly/ - Qazaqstannyń týyn jáne 7-Qysqy Azııa oıyndarynyń jalaýyn elimizdegi eń bıik shyń - Han Táńiri shyńynyń basyna jelbiretý Azıada oıyndary qarasańynda qazaqstandyq sportshylarǵa jasaǵan úlken syıymyz boldy.
20- qańtarda Qazaqstannyń týyn jáne 7-Qysqy Azııa oıyndarynyń jalaýyn elimizdegi eń bıik shyń - Han Tińiri shyńynyń basyna jelbiretý baqytyna ıe bolǵan qazaqstandyq 3 alpınstiń qatarynda bolǵan Aleksandr Safrygın atalmysh sharaǵa qatysty búgin Almatyda ótken baspasóz máslıhatynda kezinde aıtty osyndaı oı aıtty. .
«Aýa-raıynyń qolaısyzdyǵyna qaramastan, biz bul ekspedıtsııa kezinde dittegen maqsatymyzǵa boıymyzdaǵy erik-jigerdiń jáne kásibı biliktiliktiń arqasynda qol jetkizdik. Han Táńiri shyńyna Qazaqstannyń týyn jáne 7-Qysqy Azııa oıyndarynyń jalaýyn jelbirettik. Bul Azııa oıyndaryna qatysatyn sportshylarǵa bizdiń úlken syıymyz bolyp otyr. Tıan-Shan taýyndaǵy sýyqty tilben aıtyp jetkize almaımyn. Muzdatqyshta otyrǵandaı bolǵan uzaq túnder eshqashan umytylmaıtyn shyǵar», deıdi A. Safrygın.
Onyń pikirinshe, sportshy úshin Han Táńiri shyńyn baǵyndyrǵan ekspedıtsııanyń quramynda bolý jáne bul istiń Azıada qarsańynda júzege asýy tek sporttyq jetistik qana emes, zor maqtanysh týdyratyn is bolyp tabylady.
Jalpy bul qazaqstandyq sportshylardyń sońǵy 10 jyldyń ishinde Han Táńiri shyǵyna jasaǵan úshinshi sátti ekspedıtsııasy bolyp otyr. Buǵan deıin Han Táńiri shyńyna joryq 2001, 2003 jyldary jasalǵan edi. Bul saparda ondaı mártebege Aleksandr Safrygınniń komandaldas serikteri Vasılıı Pıvtsov pen Ildar Ǵabbasovpen birge qol jetkizdi.
