Han táńiri shyńy týraly fılm túsirildi
ALMATY. 7 qazan. QazAqparat /Erlik Erjanuly/ - Almatyda 11 qazanda «Iskra» kınoteatrynda «Han Táńiri: qańtardyń úskirigi»dep atalatyn fılmniń tusaýkeseri bolady.
Ol 7010 metrlik Han táńiri shyńyna VII qysqy Azııa oıyndarynyń ashylýyna arnalǵan qysqy ekpedıtsııa materıaldary boıynsha túsirilip otyr. Ony «Tabıǵat» Qazaqstan ekologııalyq qaýymdastyǵy men kásiporyndar odaǵy QR Qorǵanys mınıstrliginiń Armııashylardyń ortalyq sport klýbymen birlesip ótkizgen bolatyn. Bul qazaqstandyq alpınısterdiń sátti ótken alǵashqy da, sońǵy da sporttyq jetistigi emes. Olar 2010 jyly Astana qalasy kúnine oraı keıin «Astana» degen atqa ıe bolǵan shyńdy baǵyndyrǵan bolatyn. Al tamyz aıynda Masut Jumaev pen Vasılıı Pıvtsov álemdegi eń qıyn shyńdardyń biri sanalatyn K2-de Qazaqstan jalaýyn jelbiretip, «Qazaqstandyqtar álemniń barlyq 8 myńdyqtarynda» baǵdarlamasyn aıaqtaǵan edi.
