Han Shatyrda ıissý urlamaq bolǵan adam ustaldy
ASTANA. QazAqparat - «Han Shatyr» oıyn-saýyq ortalyǵynda ıissý urlaýǵa árekettengen astanalyq ustaldy, dep habarlaıdy QazAqparat Astana ІІD baspasóz qyzmetine silteme jasap.
«26 tamyz kúni shamamen saǵat 18:00-de Astana qalasy «Esil» aýdandyq ІІB kezekshi bólimine saýda-oıyn saýyq ortalyǵyndaǵy urlyq týraly habar kelip tústi. Oqıǵa ornyna kelgen polıtsııaǵa «Han Shatyr» SOSO qaýipsizdik qyzmeti kúdiktini tabystady», - delingen Astana ІІD baspasóz qyzmetiniń habarlamasynda.
Belgili bolǵandaı, 24 jastaǵy Astana turǵynynyń dúńgirshekten ıissýdi sómkesine salyp, baıqatpaı shyǵyp ketýge árekettengen. Alaıda, saýda ortalyǵynyń kúzetshileri kúdikti urynyń jolyn kesti.
«Atalǵan fakt boıynsha QR Qylmystyq kodeksiniń «Urlyq» baby boıynsha sotqa deıingi tergeý amaldary bastaldy. Qazirgi ýaqytta kúdiktinińqala aýmaǵyndaǵy ózge qylmystarǵa qatysy bar-joǵy anyqtalyp jatyr», - dep habarlady Astana ІІD baspasóz qyzmeti.
