«Han Shatyr» saýda oıyn-saýyq ortalyǵynyń qurylysy bıyl aıaqtalady - Astana ákimi
STANA. Aqpannyń 4-i. QazAqparat /Aıdar Ospanalıev/ - Bıylǵy jyly Astana ákimdigi qaladaǵy «Han Shatyr» saýda oıyn-saýyq ortalyǵy, «Shabyt» shyǵarmashylyq saraıy sııaqty iri qurylys nysandary men jańa ýnıversıtettiń qurylysyn aıaqtamaq.
Bul týraly búgin qala turǵyndarynyń aldyndaǵy esep berý jıynynda Astana ákimi Imanǵalı Tasmaǵambetov aıtty, dep habarlaıdy QazAqparat.
Onyń sózine qaraǵanda, qazir atalǵan nysandarmen qosa qala ákimdigi «Samuryq-Qazyna» qorymen birlesip, «Sýly-jasyl jelekti býlvar», «Soltústik shuǵylasy» sııaqty ákimshilik jáne turǵyn úı keshenderi men «Zúbárjat oram» ákimshilik keshenin aıaqtaýǵa qajetti qarjy máselelerin tolyǵymen sheshken. «Al rýhanı-mádenı nysandar qurylysy boıynsha búgin basty 3 joba júzege asyrylýda. Olar 5 myń adamǵa eseptelgen «Haziret Sultan» meshit-saraıy men 1 myń adamǵa arnalǵan Klassıkalyq opera jáne balet teatry, sondaı-aq Qazaqstannyń alǵashqy Prezıdentiniń qory men kitaphanasy», dedi elorda ákimi.
Onyń málimetterine qaraǵanda, 2011 jyly elimizde ótetin VII qysqy Azııa oıyndaryna baılanysty ótken jyly basty nazar konkımen syrǵanaýǵa arnalǵan jabylatyn stadıonǵa aýdaryldy. Atalmysh nysan bıylǵy jyly aıaqtalýy tıis. «Sondaı-aq sol jaǵalaýdan salynyp jatqan jańa sport kesheni de aǵymdaǵy jyly aıaqtalady.
«Al qazan aıynda «Qazaqstan» sport keshenin jańǵyrtý bitedi», dedi I.Tasmaǵambetov.
