«Han Shatyr» saýda-oıyn saýyq ortalyǵynyń ashylýyna baılanysty shildeniń 5-inde elordada birqatar joldar jabylady
ASTANA. Shildeniń 2-si. QazAqparat /Gúlmıra Álıakparova/ - Astana kúnin merekeleý aıasynda «Hat Shatyr» saýda-oıyn saýyq ortalyǵynyń saltanatty ashylýy josparlanǵan shildeniń 5-i kúni qalada birqatar ortalyq avtojoldar jabylady.
Elordalyq Іshki ister departamentiniń Jol polıtsııasy basqarmasy bastyǵynyń orynbasary Baqytjan Malybaevtyń búgin ótken baspasóz máslıhatynda atap kórsetkenindeı, shildeniń 5-i saǵat 22:00-de «Han Shatyr» SOO-nyń ashylýy kezinde Turan kóshesiniń Saraıshyq kóshesinen bastap Syǵanaq kóshesine deıingi bóligindegi jolda qozǵalys tolyǵymen toqtatylady. Qoǵamdyq kólikterdiń qozǵalysy Qabanbaı batyr dańǵylymen júzege asyrylatyn bolady.
Osyǵan oraı, Jol polıtsııasy basqarmasy SOO-nyń aýmaǵyn aınalyp ótýge bolatyn 5 baǵytty usynyp otyr. Olardyń biri: Vokzal-Gete kóshesi - Respýblıka dańǵyly - J.Táshenov kóshesi (Táýelsizdik dańǵyly-B.Momyshuly kóshesi - M1 kópiri) - Orynbor kóshesi - №23 kóshe - Qabanbaı batyr dańǵyly - áýejaı.
Ekinshisi: Vokzal - Jeńis dańǵyly - Bógenbaı batyr dańǵyly - Ýálıhanov kóshesi - Baraev kóshesi - Táýelsizdik dańǵyly - M3 kópiri - Orynbor kóshesi - №23 kóshe - Qabanbaı batyr dańǵyly - áýejaı.
Úshinshi aınalma jol: Abylaı han dańǵyly - B.Momyshuly dańǵyly - M1 kópiri - Orynbor kóshesi - №23 kóshe - Qabanbaı batyr dańǵyly - áýejaı.
Tórtinshi baǵyt: Vokzal - Jeńis dańǵyly - Bógenbaı batyr dańǵyly - Saryarqa dańǵyly - Abaı dańǵyly (Kenesary kóshesi) - Respýblıka dańǵyly - J.Táshenov kóshesi - Orynbor kóshesi - №23 kóshe - Qabanbaı batyr dańǵyly - áýejaı.
Besinshisi: Abylaı han dańǵyly - Qaraǵandy tas joly - áýejaı.
Sondaı-aq B.Malybaevtyń aıtýynsha, Qabanbaı batyr dańǵylyndaǵy qozǵalystarǵa shekteý qoıylmaıtyndyqtan, «Han Shatyr» SOO-nyń ashylýyna kórermenderdi arnaıy avtobýstarmen jetkizý uıymdastyrylmaıdy. ıAǵnı qoǵamdyq kólikter óz kestelerine sáıkes júretin bolady.
