«Han Shatyr» saýda, oıyn-saýyq ortalyǵynda «Qazposhta» AQ jańa bólimshesi men fılatelııalyq salony ashylady

dep habarlaıdy QazAqparat «Qazposhta»AQ baspasóz qyzmetine silteme jasap.

Búgin osy ortalyqtyń ashylýy qarsańynda «Qazposhta» AQ Basqarma tóraǵasy D. Moldaǵalıev pen Astana qalasy Esil aýdanynyń ákimi Q. Jańabergenovtyń qatysýymen «Han Shatyr kesheni» poshta markasyna mórtaban basý rásimi ótti. Bul marka búginnen bastap aınalymǵa engizilmek.

«Han shatyrdaǵy» jańa bólimshede tutynýshylar men keshenniń qyzmetkerlerine «Qazposhta» AQ bólimshesi poshtalyq jáne qarjylyq qyzmetter kórsetpek. Atap aıtqanda: jedel aýdarymdar, kommýnaldyq jáne salyqtyq tólemder, jalaqy men zeınetaqy tóleý, uıaly baılanys qyzmetine on-line rejıminde tólemder qabyldaıdy. Poshta bólimshesinde «Qazaqtelekom» qyzmetin tólep, nesıe ótep, banktik jáne depozıttik shottar ashýǵa bolady. Іsker jáne utqyr adamdar úshin tańǵy saǵat 10-ǵa deıin jetkiziletin, júrý baǵytyn www.kazpost.kz saıtyndaǵy baqylaý júıesi arqyly kórýge bolatyn, «Tań-10» qyzmetin «EMS Kazpost» qyzmeti usynady.