«Han Shatyr» saýda ortalyǵynda jańajyldyq qaıyrymdylyq sharasy ótedi
ASTANA. QazAqparat - 2018 jyldyń 29 jeltoqsanynda «Han Shatyr» saýda oıyn-saýyq ortalyǵynyń atrıýmynda múmkindigi shekteýli balalarǵa arnalǵan jańajyldyq qaıyrymdylyq tańerteńgiligi ótedi. Saýda ortalyǵy erekshe balalarǵa arnalǵan osyndaı sharalarǵa jyl saıyn demeýshilik kórsetip otyr.
29 jeltoqsan kúni saǵat 12:00-de «Han Shatyr» SOSO-da jańajyldyq qaıyrymdylyq tańerteńgiligi ótkiziledi. Sharaǵa «Batyr» qoǵamdyq birlestigi uıymdastyrǵan mamandandyrylǵan ortalyqtardan múgedek balalar, Aqmol, Ótemis, Qaraótkel, Novoıshımka, Maksımovka, Qoıandy, Qabanbaı batyr, Qosshy aýyldarynyń kishkentaı turǵyndary qatysady. «Astana qalasynyń múgedek balalar qoǵamy» qoǵamdyq birlestiginen 135 balanyń qatysady. Jańajyldyq shyrshaǵa sondaı-aq «Balam-aı» qoǵamdyq qorynan 30 bala keledi.
Jańajyldyq shyrshaǵa múmkindigi shekteýli 350 bala qatysady.
