«Han Shatyr» basseınindegi bala ólimi: Tergeý júrip jatyr
NUR-SULTAN. QazAqparat - Nur-Sultan qalalyq bilim basqarmasy basshysynyń orynbasary Dýlat Jekebaev «Han Shatyr» basseıninde mektep oqýshysynyń sýǵa batyp ketýine qatysty túsinikteme berdi, dep habarlaıdy QazAqparat tilshisi.
«Búgin oryn alǵan qaıǵyly oqıǵaǵa baılanysty birinshiden ata-anasyna, týǵan-týystaryna qaıǵylaryna ortaqtasyp, kóńil aıtamyz. «Han Shatyrǵa» jazǵy saýyqtyrý lagerindegi mektep oqýshylary barǵan. Jylda «Han Shatyrǵa» balalar osylaı baryp turady. Oǵan barǵanda mektep tarapynan, sonymen qatar «Han Shatyrdaǵy» nusqaýshylar tarapynan balanyń qaýipsizdigine baılanysty barlyq sharalar durys oryndalǵan. Qazir tergeý amaldary júrip jatyr», - dedi ol.
Basqarma basshysynyń orynbasary qaıǵyly oqıǵanyń qandaı sebepterden oryn alǵandyǵyn qazir naqty aıtý qıyn ekendigin atap ótti.
«Tergeý sharalary aıaqtalǵannan keıin osy oqıǵaǵa qatysty qosymsha aqparat habarlaıtyn bolamyz. Qaza bolǵan bala №10 mekteptiń 1 birinshi synyp oqýshysy. Jazǵy lagerge ata-anasynyń ótinishimen jazylǵan. Ata-analar balalaryn «Han Shatyrdaǵy» basseınge aparýdy ótingen. Basseınge balalardy mektep muǵalimderimen birge birneshe ata-ana da aparǵan, bolǵan. Jalpy basseınge 200-deı bala barǵan», - dedi D.Jekebaev.
Buǵan deıin elordadaǵy «Han Shatyrdaǵy» basseınde qyz bala sýǵa batyp ketkenin habarlaǵan edik.
